Молитва Николаю Чудотворцу о спасения от тюрьмы, чтобы оправдали

О, великий чудотворче и угодниче Христов, святителю отче Николае! Ты, скорый помощник еси и благостынный заступник всем призывающим тя, паче же сущим в смертных бедах.

Таковыя чудеса милосердия ты являл еси во дни жития твоего. Егда же, по смерти твоей, предстал еси Престолу Божию, по сем никтоже может исчислити милостей твоих, аще бы и многи языки имел. Ты сохраняеши плавающия по водам; ты многия утопающия спасл еси.

Ты храниши в пути, ихже застигоша ветры, великий снег, лютый мраз, множайший дождь. Ты соблюдаеши домы и имения от запаления злонамеренных человек и всеконечнаго сожжения. Ты защищаеши сущия в пути от нападения злодеев.

Ты пособствуеши нищим и убогим, избавляяй их от крайняго уныния и грехопадения, нищеты ради. Ты заступаеши невинныя от оклеветаний и неправеднаго осуждения. Ты спасл еси от самыя смерти триех мужей, в темнице седящих, имже определено бе посечение мечем.

Тако, тебе даровася от Бога великая благодать молитися за человеки и спасати сущия в беде! Еще же ты прославился еси твоею помощию людем между неверными агаряны. Владиславу ли токмо, злосчастному и бедствующему, не поможеши, аще и сам аз сей жребий уготовах себе?

Заступи убо и Владислава от уныния и отчаяния, зле обстоящих его. О, великий угодниче Николае! Ты сам претерпел еси заключение в темнице за святую веру и, яко ревностный пастырь Христов, сам познал еси, сколь тяжко лишение свободы и во узах пребывание.

Коль многим, молящимся тебе во узах, ты помогл еси! Облегчи и Владиславу, сидящему в темнице, сие злоключение. Даруй ему скоро видети конец темничнаго его пребывания и получити свободу, — не ради продолжения грехов его, но ради исправления его жизни!

Помолися усердно и о сем, еже избавитися ему вечныя темницы, да твоею помощию спасаемь, прославляю Бога, дивнаго во святых Своих, аминь